KANGMEI CHUNGCHUNGA FIMKHUR TURA NGENNA

CENTRAL YOUNG LAI ASSOCIATION

CIRCULAR (No 10 of 2025)
Dated Lawngtlai the, 28th March, 2025

KANGMEI CHUNGCHUNGA FIMKHUR TURA NGENNA

Khua lo thal chho leh tain ruahtui kan dawng har ta hle mai a, ram a roin kangmei tihchhuah palh hlauhawm tak a ni. Kangmei chhuak thin avangin mihring, ramsa leh rannung thlengin harsatna kan tawk chho mek a, tin, khawlum hrehawm tak pawh kan tawk chho mek zel a ni.

Hetiang a nih avang hian mimal tinte ram lamah a ni emaw in lamah a ni emaw kangmei tichhuak lo tur leh kangmei chhuak thei laka fimkhur turin kan inngen tak meuh meuh a ni.

Central YLA hnuaia Sub-Hqrs. te, Group leh Branch hrang hrangte kangmei laka fimkhurna chungchang hi information mike atangin atam thei ang ber puang zar turin kan inngen bawk a ni.

Sd/- Ricky VL. Hmingthanzuala
Asst. Gen. Secretary
Central YLA

Issued by Central YLA Media Committee

Comments

CENTRAL YLA HRUAITUTE LEH LAWNGTLAI SP TEN INKAWMHONA AN NEI

September 1, 2025 : Vawiin khan Central YLA hruaitute leh Lawngtlai SP Pu Lalsanglura, MPS ten ten inkawmhona an nei a. He hunah hian CYLA leh Police lam ten thawhhona an neih mekte chhunzawma hmalakna dan turte an sawiho a ni. SP Lawngtlai Office Chamber-a inkawmhonaah hian ruihhlo, a bikin damdawi leh a kaihhnawih dona tur lama hmalak dan tur tam tak sawiho a ni a. Dan lova sumdawnna hrang hrangte, ILP chungchangte leh Lawngtlai Traffic chungchangte sawiho a ni. Issued by Central YLA Media Committee

Central YLA hruaitu ten Thualthu leh Bualte khawtlang hruaitute hnenah tanpuina an hlan

Lawngtlai, 13th August, 2025: Vawiin khan Mizoram Chhim lam inkalpawhna kawngpui pawimawh tak, leimin avanga hun engngemaw chen zin vei vak ten harsatna nasa tak an tawhna thin THUALTHU leh BUALTE inkar leimin chu Central YLA hruaitu ten an tlawh. Theihtawpa zin vei vak te lo ngaihven leh an harsatnate lo tanpui thintu, Thualthu leh Bualte VC leh YMA hruaitute chu, Central YLA Executive Committee chuan fakawm a ti hle a, CYLA chuan ₹5,000/- ve ve in Thualthu leh Bualte khawtlang hruaitute hnenah hian tanpuina an hlan an ni. Pu JH.Lalrindika, General Secretary hovin, khualzin mite theihtawp chhuaha an lo dawn sawnnaah leh an lo tanpui thinnaah Central YLA chuan lawmthu sawi a. CYLA General Secretary hi Pu Ricky VL Hmingthanzuala, AGS, Pu Eden Lalrammawia Fin. Secretary leh Tv. Biakhmingthanga, Tv. Vanlalzapa CEC te chuan an tawiawm. Issued by : Central YLA Media Committee, Lawngtlai

YOUNG LAI ASSOCIATION OFFICIAL EMBLEM

Young Lai Association logo hi a dik lo alo awm thin avang in, hemi official logo hi tarlan a ni. Facebook, Youtube, whatsapp leh Social Media hrang hranga hmang duh tan, hei chauh hi hman tur a ni ang. YLA Original Logo download turin Link ah hian lut rawh le LOGO DOWNLOAD

CENTRAL YLA

Search This Blog