Pu VL. Dawma Memorial Inter Branch Futsal Tournament Kick Off programme hman a ni dawn

Lawngtlai, March 29, 2025 : Tlang hrang hranga YLA member ten infiamna hmanga inunau tha leh inpumkhatna tha kan neih theihna tura Central YLA Games & Sport Sub-Committee leh LDFA Futsal Committee ten an buatsaih, Pu VL. Dawma Memorial Inter Branch Futsal Tournament chu April 1, 2025 atangin CYLA Playground-ah leh TVJ Futsal Ground-ah khelh tan a ni dawn.

March 31, 2025 zan dar 7:30pm hian CYLA Playground-ah Kick Off leh Jersey Display Programme hman a ni dawn a, he hunah hian team tel tura in report zawng zawngte kim taka tel tura beisei kan ni. He Programme hi Opi leh Nunui Zathang, Central YLA Media Committee ten an host ang.

He hunah hian Rev. Tc. Vanlalmalsawma, BCM Lawngtlai East Bialtuin hunserh a hmang ang a, Pu S. Lalmalsawmsanga, Secretary, Central YLA Games & Sport Sub-Committee-in inhmelhriattirna a nei ang a, Pu VL Dawma (L) nupui Pi C. Sangkhumi’n thusawina a nei ang. Jersey Display, Pu VL. Dawma (L) Short Profile Display leh Team Manager/Captain interview te chu Host ten an kaihruai ang.

Pu Jonathan H. Lalrempuia, Vice Chairman, LDFA Futsal Committee-in Rules & Regulation puanzarna a nei ang a, Pu Lalthatluanga, Secretary, LDFA Futsal Committee-in Oath Taking a kaihruai ang. Pu Elvis Lalthangzuala, Chairman, LDFA Futsal Committee leh Tv. Lalrozawna, Member, Central YLA Games & Sport Sub-Committee Tie Draw hun an kaihruai ang a, Pu F. Lalrothanga, Central YLA Preseident-in thusawina a nei ang a, Pu C. Lawmsangzuala, Chairman, Central YLA Media Committee in he tournament hi a Kick Off ang. Nl. V. Lalawmpuii leh Nl. Lalhlimpuii te an zai bawk ang.

Pu VL. Dawma Memorial Inter Branch Futsal Tournament-ah hian Team 43 an tel dawn a, League round hi Central YLA Playground-ah leh TVJ Futsal Ground-ah khelh a ni ang a, Round of 16 atangin TVJ Futsal Ground-ah khelh a ni ang.

Issued by Central YLA Media Committee

Comments

CENTRAL YLA HRUAITUTE LEH LAWNGTLAI SP TEN INKAWMHONA AN NEI

September 1, 2025 : Vawiin khan Central YLA hruaitute leh Lawngtlai SP Pu Lalsanglura, MPS ten ten inkawmhona an nei a. He hunah hian CYLA leh Police lam ten thawhhona an neih mekte chhunzawma hmalakna dan turte an sawiho a ni. SP Lawngtlai Office Chamber-a inkawmhonaah hian ruihhlo, a bikin damdawi leh a kaihhnawih dona tur lama hmalak dan tur tam tak sawiho a ni a. Dan lova sumdawnna hrang hrangte, ILP chungchangte leh Lawngtlai Traffic chungchangte sawiho a ni. Issued by Central YLA Media Committee

Central YLA hruaitu ten Thualthu leh Bualte khawtlang hruaitute hnenah tanpuina an hlan

Lawngtlai, 13th August, 2025: Vawiin khan Mizoram Chhim lam inkalpawhna kawngpui pawimawh tak, leimin avanga hun engngemaw chen zin vei vak ten harsatna nasa tak an tawhna thin THUALTHU leh BUALTE inkar leimin chu Central YLA hruaitu ten an tlawh. Theihtawpa zin vei vak te lo ngaihven leh an harsatnate lo tanpui thintu, Thualthu leh Bualte VC leh YMA hruaitute chu, Central YLA Executive Committee chuan fakawm a ti hle a, CYLA chuan ₹5,000/- ve ve in Thualthu leh Bualte khawtlang hruaitute hnenah hian tanpuina an hlan an ni. Pu JH.Lalrindika, General Secretary hovin, khualzin mite theihtawp chhuaha an lo dawn sawnnaah leh an lo tanpui thinnaah Central YLA chuan lawmthu sawi a. CYLA General Secretary hi Pu Ricky VL Hmingthanzuala, AGS, Pu Eden Lalrammawia Fin. Secretary leh Tv. Biakhmingthanga, Tv. Vanlalzapa CEC te chuan an tawiawm. Issued by : Central YLA Media Committee, Lawngtlai

YOUNG LAI ASSOCIATION OFFICIAL EMBLEM

Young Lai Association logo hi a dik lo alo awm thin avang in, hemi official logo hi tarlan a ni. Facebook, Youtube, whatsapp leh Social Media hrang hranga hmang duh tan, hei chauh hi hman tur a ni ang. YLA Original Logo download turin Link ah hian lut rawh le LOGO DOWNLOAD

CENTRAL YLA

Search This Blog