YLA Diltlang 'S' Sub-Hqrs. hruaitu thlanna neih a ni

Dated Diltlang, the 20th March, 2025 : Vawiin dar 12:00noon khan YLA Diltlang 'S' Sub-Hqrs. hruaitu thlanna chu Diltlang Hall-ah neih a ni a. Central YLA atangin General Secretary Pu Jh. Lalrindika hovin Inthlanna neih pui a ni a, Central YLA General Secretary hi CEC Member Pu C. Lawmsangzuala, Tv. Vanlalzapa, Pu Michaela LH. Mawia leh CYLA Media atangin Lalramdinsanga Thihlum, Nl. Unique Awmpuii, Nl. Margaret Lalneihpuii leh Nl. Lalhmingmawii te'n an tawiawm a ni.

YLA Sub-Hqrs Diltlang S' huam chhungah hian Branch 4 an awm a, Diltlang Branch, Ngengpuikai Branch, Hmunnuam Branch leh Chawngtelui Branch te an ni. Vawiin hruaitu thlannaah hian YLA Member an tel tha hle a. He inthlanna hun hmasa lam hi Pu T. Thangliankhuma, President, YLA Sub-Hqrs. Diltlang 'S' chuan a kaihruai a, Sub-Hqrs. Diltlang 'S' hi kawng bumboh tak karah Pathianin min hruai a, CYLA lama kan hruaitute kaihhruaina leh duhsakna avangin vawiin thlengin tluang takin a kal thei a, an chungah lawmthu ka sawi a ni a ti. A sawi zelnaah, Branch YLA te nen kan thawhhona a tha a, anni zarah Sub-Hqrs. hi kal thei ve chauh kan ni a, an chungah lawmthu ka sawi a ni a ti bawk.

Pu F. Lalduatsanga President, Diltlang 'S' Branch YLA in thusawina tawi leh hunserh a hmang, Lairam leh hnam din chhuah nan kan tawng kan humhalh a tul thu uar takin a sawi. Tin, Report hrang hrang ngaihthlak a nih hnuin Returning Officer Pu Jh. Lalrindika chuan Sub-Hqrs. Diltlang 'S' inthlanna a kaihruai chhunzawm a ni.

Hruaitu thlan tharte chu:-

1. President : T. Thangliankhuma, Diltlang
2. Vice President : Pu A. Lalhmunsiama Diltlang
3. Secretary : Lalhlupuia, Diltlang
4. Asst. Secretary : Lalbiakthuama, Diltlang
5. Fin. Secretary : Nl. C. Lalnunchhungi
6. Treasurer : Pu Richard LH. Kima Diltlang

Issued by CYLA Media Committee, Lawngtlai

Comments

CENTRAL YLA HRUAITUTE LEH LAWNGTLAI SP TEN INKAWMHONA AN NEI

September 1, 2025 : Vawiin khan Central YLA hruaitute leh Lawngtlai SP Pu Lalsanglura, MPS ten ten inkawmhona an nei a. He hunah hian CYLA leh Police lam ten thawhhona an neih mekte chhunzawma hmalakna dan turte an sawiho a ni. SP Lawngtlai Office Chamber-a inkawmhonaah hian ruihhlo, a bikin damdawi leh a kaihhnawih dona tur lama hmalak dan tur tam tak sawiho a ni a. Dan lova sumdawnna hrang hrangte, ILP chungchangte leh Lawngtlai Traffic chungchangte sawiho a ni. Issued by Central YLA Media Committee

Central YLA hruaitu ten Thualthu leh Bualte khawtlang hruaitute hnenah tanpuina an hlan

Lawngtlai, 13th August, 2025: Vawiin khan Mizoram Chhim lam inkalpawhna kawngpui pawimawh tak, leimin avanga hun engngemaw chen zin vei vak ten harsatna nasa tak an tawhna thin THUALTHU leh BUALTE inkar leimin chu Central YLA hruaitu ten an tlawh. Theihtawpa zin vei vak te lo ngaihven leh an harsatnate lo tanpui thintu, Thualthu leh Bualte VC leh YMA hruaitute chu, Central YLA Executive Committee chuan fakawm a ti hle a, CYLA chuan ₹5,000/- ve ve in Thualthu leh Bualte khawtlang hruaitute hnenah hian tanpuina an hlan an ni. Pu JH.Lalrindika, General Secretary hovin, khualzin mite theihtawp chhuaha an lo dawn sawnnaah leh an lo tanpui thinnaah Central YLA chuan lawmthu sawi a. CYLA General Secretary hi Pu Ricky VL Hmingthanzuala, AGS, Pu Eden Lalrammawia Fin. Secretary leh Tv. Biakhmingthanga, Tv. Vanlalzapa CEC te chuan an tawiawm. Issued by : Central YLA Media Committee, Lawngtlai

YOUNG LAI ASSOCIATION OFFICIAL EMBLEM

Young Lai Association logo hi a dik lo alo awm thin avang in, hemi official logo hi tarlan a ni. Facebook, Youtube, whatsapp leh Social Media hrang hranga hmang duh tan, hei chauh hi hman tur a ni ang. YLA Original Logo download turin Link ah hian lut rawh le LOGO DOWNLOAD

CENTRAL YLA

Search This Blog