YLA Sub-Hqrs. Bualpui 'Ng' hruaitu thlanna tluang taka neih a ni

Siachangkawn, March 15, 2025 : Vawiin dar 11:30am khan Bualpui 'Ng' Sub-Hqrs. hruaitu thlanna Govt. M/S Siachangkawnah neih a ni a. CYLA atangin General Secretary Pu Jh. Lalrindika hovin Inthlanna hi neih a ni a, CYLA General Secretary hi CEC Member Pu C. Lawmsangzuala, Tv. Vanlalzapa te, Pu Michaela Vanrammawia te leh Nl. Unique Awmpuii, CYLA Media Committee Member ten an tawiawm a ni.

Sub-Hqrs Bualpui 'Ng' huam chhungah hian Branch 10 leh Sub-Branch 1 an awm a, hruaitu thlannaah hian YLA Branch hrang hrang Bualpui 'Ng', Bualpui 'Ng'-II, Bualpui 'Ng' Vengthar, Lungzarhtum, Siachangkawn, Lungpher 'S', Vawmbuk, Vawmbuk Vaivakawn, Tialdawnglung, Archhuang leh Tlangpui Sub-Branch atangin YLA Member 143 an tel. He inthlanna hun hmasa lam hi Pu H. Hmunliana, President, YLA Sub-Hqrs. Bualpui 'Ng' chuan kaihruaiin, Lairam leh hnam humhim nan kan tawng a pawimawh thu leh, YLA Member-te chuan kan tawng kan hman uar a ngaih thu a sawi.

He hunah hian YLA member kaltate sunna puala hun hman a ni a, Pu H. Lalthuammawia Secretary-in a kaihruai a, Upa K. Hrangvela, Adviser in an puala sunna tawngtaina a nei. Report hrang hrang ngaihthlak anih hnuin Returning Officer Pu Jh. Lalrindika chuan Sub-Hqrs. Bualpui 'Ng' inthlanna a kaihruai a ni.

Hruaitu thlan tharte chu:-

1. President : Pu K. Hrangvela, Lungzarhtum

2. Vice President : Pu V. Rinsanga, Vawmbuk

3. Secretary : Pu H. Lalthuammawia, Lungzarhtum

4. Asst. Secretary : Pu K. Zoramsanglura, Siachangkawn

5. Fin. Secretary : Pu Vanchhuma Chinzah

6. Treasurer : Nl. KC. Lalhmumawii, Bualpui 'Ng' Branch

Issued by CYLA Media Committee, Lawngtlai

Comments

CENTRAL YLA HRUAITUTE LEH LAWNGTLAI SP TEN INKAWMHONA AN NEI

September 1, 2025 : Vawiin khan Central YLA hruaitute leh Lawngtlai SP Pu Lalsanglura, MPS ten ten inkawmhona an nei a. He hunah hian CYLA leh Police lam ten thawhhona an neih mekte chhunzawma hmalakna dan turte an sawiho a ni. SP Lawngtlai Office Chamber-a inkawmhonaah hian ruihhlo, a bikin damdawi leh a kaihhnawih dona tur lama hmalak dan tur tam tak sawiho a ni a. Dan lova sumdawnna hrang hrangte, ILP chungchangte leh Lawngtlai Traffic chungchangte sawiho a ni. Issued by Central YLA Media Committee

Central YLA hruaitu ten Thualthu leh Bualte khawtlang hruaitute hnenah tanpuina an hlan

Lawngtlai, 13th August, 2025: Vawiin khan Mizoram Chhim lam inkalpawhna kawngpui pawimawh tak, leimin avanga hun engngemaw chen zin vei vak ten harsatna nasa tak an tawhna thin THUALTHU leh BUALTE inkar leimin chu Central YLA hruaitu ten an tlawh. Theihtawpa zin vei vak te lo ngaihven leh an harsatnate lo tanpui thintu, Thualthu leh Bualte VC leh YMA hruaitute chu, Central YLA Executive Committee chuan fakawm a ti hle a, CYLA chuan ₹5,000/- ve ve in Thualthu leh Bualte khawtlang hruaitute hnenah hian tanpuina an hlan an ni. Pu JH.Lalrindika, General Secretary hovin, khualzin mite theihtawp chhuaha an lo dawn sawnnaah leh an lo tanpui thinnaah Central YLA chuan lawmthu sawi a. CYLA General Secretary hi Pu Ricky VL Hmingthanzuala, AGS, Pu Eden Lalrammawia Fin. Secretary leh Tv. Biakhmingthanga, Tv. Vanlalzapa CEC te chuan an tawiawm. Issued by : Central YLA Media Committee, Lawngtlai

YOUNG LAI ASSOCIATION OFFICIAL EMBLEM

Young Lai Association logo hi a dik lo alo awm thin avang in, hemi official logo hi tarlan a ni. Facebook, Youtube, whatsapp leh Social Media hrang hranga hmang duh tan, hei chauh hi hman tur a ni ang. YLA Original Logo download turin Link ah hian lut rawh le LOGO DOWNLOAD

CENTRAL YLA

Search This Blog