VL. DAWMA MEMORIAL INTER BRANCH FUTSAL TOURNAMENT KHELH ZAWH A NI TA

April 1, 2025 atanga khelh tan VL. Dawma Memorial Inter Branch Futsal Tournament chu zanin khan a hmawrbawk a ni a, zanin final match-ah hian Lawngtlai Vengpui (Red) chuan Thingkah (Blue) chu 3-1 hnehin an champion a. Champion team hian Trophy, Medal, Certificate bakah pawisa fai ₹.50,000 an dawng a, pahnihna hian Trophy, Medal, Certificate bakah pawisa ₹.30,000 an dawng bawk.

Central YLA Games & Sport Sub-Committee leh LDFA Futsal Committee tangkawpa buatsaih he tournament ah hian team 42 an tel.

Best player atan Joshua Lalramluahpuia (Lawngtlai Vengpui) thlan niin, Best Goalkeeper atan Joseph Lalrindika (Lawngtlai Vengpui) thlan a ni a. Goal 6 khungtu New Siaha West player Lalhriatchhunga Sailo chu Top Scorer a ni a. Thingkah hnenah Fair Play Award hlan a ni a, pawisa fai ₹.5,000 an dawng. Best Player, Best Goalkeeper leh Top Scorer te hian Trophy bakah Mobile Phone ₹.15,000 man an dawng theuh bawk a ni.

Central YLA Games & Sport Sub-Committee chuan Champion team te an lawmpui thu sawiin, tournament hlawhtlinnaa a bultumtu Pu VL. Dawma (L) chhungte chungah lawmthu an sawi bawk a. Hmun hrang hrang atanga Branch lo tel zawng zawngte chungah lawmthu sawiin, LDFA ten tha taka an thawhpui avangin lawmthu an sawi bawk.

Issued by Central YLA Media Committee

Comments

Central YLA Games & Sports Sub- Committee-in Futsal Tournament a buatsaih dawn

Lawngtlai, March 11, 2025 : Central YLA Games & Sports Sub- Committee chuan VL. Dawma Memorial Inter Branch Futsal Tournament a buatsaih dawn. Tournament hi CYLA Playground leh TVJ Futsal Ground, Lawngtlaiah April 1-5, 2025 chhungin khelh a ni ang. Tournament neihna turah hian Pu VL Dawma (L), Ex-MDC te chhungkua Lawngtlai Bazar ten Rs. 1,50,000/- (Cheng nuai khat leh singnga) in an sponsore dawn a, an chhungkaw chungah Central YLA Games & Sports Sub- Committee chuan lawmthu a sawi tak meuh a ni. Tournament khelh dan tur chungchanga hriattur pawimawh dangte Central YLA Games & Sports Sub- Committee ten kimchang zawkin an tarlang ang. Issued by Central YLA Media Committee

CENTRAL YLA EXECUTIVE COMMITTEE MEETING NEIH A NI

Lawngtlai, April 15, 2025 : Vawiin dar 12 noon khan CYLA Central Executive Committee (CEC) chu YLA Chandmary Committee Room (Chandmary Inpui) ah neih a ni a, CEC member Town chhung ami te bakah Sub-Hqrs atangin Sangau, Bualpui Ng, Vathuampui leh Diltlang atang CEC member an lo tel thei bawk. He CEC Meeting hi Pu F. Lalrothanga, President, CYLA in a kaihruai a, a theih chin chinah Meeting hi Lai tawng a kaihhruai a tum thu leh, Lai tawng hman tam a tul thu a sawi. CYLA General Secretary Pu JH. Lalrindika hnen atang 17 Feb. 2025 to 14 April 2025 inkar Report kimchang ngaihthlak a ni a, Finance Secretary leh Treasurer Report ngaihthlak a ni bawk a, report hrang hrangte sawiho a in hrilhfiah anih hnu in lungrual taka pawm tlan a ni. Thungaihtuah tlangpuite chu : 1. Rorel inkhawm chungchang : Rorel inkhawm hi April ni 24, 2025 ah Chandmary Inpui-ah neih tur a ni a, Minute Secretary atan Tv. Biakhmingthanga Pautu leh Pu C. Vanlalchhuanga te ruat an ni. 2. Dan Revision ...

Hlukhla Kut 2025 Miss tan Sangau nula F. Lalramnunmawii thlan a ni

Hlukhla Kut 2025 hman zawh takah Phawngpui Photographer Association (PPA) ruahmannain Hlukhla Kut 2025 Miss thlanna neih a ni a, Hlukhla Kut 2025 Miss atan Sangau nula F. Lalramnunmawii thlan a ni . F. Lalramnunmawii hi F. Sangiapa leh Lallawmremi te fanu niin, Zion Veng Sangau-I a cheng an ni a. Vohbik Thuthlungfa Kohhrana lawi an ni. F. Lalramnunmawii chuan hetiang dinhmun thlentirtu Pathian chungah lawmthu a sawi a, Hlukhla Miss 2025 a nih theihna tura a buatsaihtu Organising Committee-te chungah thinlung taka lawmthu sawiin, mite hriat a nih ve theih nan buai chung chung a, a thlalakte pholan saktu PPA te chungah lawmthu a sawi bawk a ni. F. Lalramnunmawii chuan amah tantu ten Hlukhla Miss a a telpui te chungah, Social media leh thildangah pawh nise tawngkam mawi lo an lo chhakchhuak palh thei tih sawiin, chutiang thilte a lo awm a nih chuan Pathian hminga ngaidam turin a ngen thu a sawi bawk. 'Hmalam hunah insiamthatna tur leh inzirna tur tam tak ka nei a, ka hriat lo...

CENTRAL YLA

Search This Blog