ZANINAH VL. DAWMA MEMORIAL INTER BRANCH FUTSAL TOURNAMENT FINAL MATCH KHELH A NI DAWN

Lawngtlai, April 14, 2025 : April 1 atanga khelh tan VL. Dawma Memorial Inter Branch Futsal Tournament final match chu zanin hian CYLA Playground, Lawngtlaiah khelh a ni dawn. Final match-ah hian Lawngtlai Vengpui (Red) leh Thingkah (Blue) te an in hmachhawn ang.

Kick-off hma hian Closing Function programme tawi hman a ni dawn a. He hun hi Pu C. Hmingthantluanga, Chairman, CYLA Games & Sport Sub-Committee in a kaihruai ang a, Pu VL. Dawma (L) nupui Pi C. Sangkhumi'n thu a sawi bawk ang.

Pu Elvis Lalthangzuala, Chairman, LDFA Futsal Committee-in Tournament report a pe ang a, Pu H. Vana leh Jacob Vanlalmalsawma te an zai ang bawk ang. Hemi hun hman zawh hian final match khelh a ni ang. Final match khelh zawhah Pu S. Lalmalsawmsanga, Secretary, Central YLA Games & Sport Sub-Committee kaihhruainain lawmman semna neih zui a ni ang.

Closing Programme hi dar 7:00pm ah tan a ni ang.

Issued by Central YLA Media Committee

Comments

Central YLA Games & Sports Sub- Committee-in Futsal Tournament a buatsaih dawn

Lawngtlai, March 11, 2025 : Central YLA Games & Sports Sub- Committee chuan VL. Dawma Memorial Inter Branch Futsal Tournament a buatsaih dawn. Tournament hi CYLA Playground leh TVJ Futsal Ground, Lawngtlaiah April 1-5, 2025 chhungin khelh a ni ang. Tournament neihna turah hian Pu VL Dawma (L), Ex-MDC te chhungkua Lawngtlai Bazar ten Rs. 1,50,000/- (Cheng nuai khat leh singnga) in an sponsore dawn a, an chhungkaw chungah Central YLA Games & Sports Sub- Committee chuan lawmthu a sawi tak meuh a ni. Tournament khelh dan tur chungchanga hriattur pawimawh dangte Central YLA Games & Sports Sub- Committee ten kimchang zawkin an tarlang ang. Issued by Central YLA Media Committee

CENTRAL YLA EXECUTIVE COMMITTEE MEETING NEIH A NI

Lawngtlai, April 15, 2025 : Vawiin dar 12 noon khan CYLA Central Executive Committee (CEC) chu YLA Chandmary Committee Room (Chandmary Inpui) ah neih a ni a, CEC member Town chhung ami te bakah Sub-Hqrs atangin Sangau, Bualpui Ng, Vathuampui leh Diltlang atang CEC member an lo tel thei bawk. He CEC Meeting hi Pu F. Lalrothanga, President, CYLA in a kaihruai a, a theih chin chinah Meeting hi Lai tawng a kaihhruai a tum thu leh, Lai tawng hman tam a tul thu a sawi. CYLA General Secretary Pu JH. Lalrindika hnen atang 17 Feb. 2025 to 14 April 2025 inkar Report kimchang ngaihthlak a ni a, Finance Secretary leh Treasurer Report ngaihthlak a ni bawk a, report hrang hrangte sawiho a in hrilhfiah anih hnu in lungrual taka pawm tlan a ni. Thungaihtuah tlangpuite chu : 1. Rorel inkhawm chungchang : Rorel inkhawm hi April ni 24, 2025 ah Chandmary Inpui-ah neih tur a ni a, Minute Secretary atan Tv. Biakhmingthanga Pautu leh Pu C. Vanlalchhuanga te ruat an ni. 2. Dan Revision ...

Hlukhla Kut 2025 Miss tan Sangau nula F. Lalramnunmawii thlan a ni

Hlukhla Kut 2025 hman zawh takah Phawngpui Photographer Association (PPA) ruahmannain Hlukhla Kut 2025 Miss thlanna neih a ni a, Hlukhla Kut 2025 Miss atan Sangau nula F. Lalramnunmawii thlan a ni . F. Lalramnunmawii hi F. Sangiapa leh Lallawmremi te fanu niin, Zion Veng Sangau-I a cheng an ni a. Vohbik Thuthlungfa Kohhrana lawi an ni. F. Lalramnunmawii chuan hetiang dinhmun thlentirtu Pathian chungah lawmthu a sawi a, Hlukhla Miss 2025 a nih theihna tura a buatsaihtu Organising Committee-te chungah thinlung taka lawmthu sawiin, mite hriat a nih ve theih nan buai chung chung a, a thlalakte pholan saktu PPA te chungah lawmthu a sawi bawk a ni. F. Lalramnunmawii chuan amah tantu ten Hlukhla Miss a a telpui te chungah, Social media leh thildangah pawh nise tawngkam mawi lo an lo chhakchhuak palh thei tih sawiin, chutiang thilte a lo awm a nih chuan Pathian hminga ngaidam turin a ngen thu a sawi bawk. 'Hmalam hunah insiamthatna tur leh inzirna tur tam tak ka nei a, ka hriat lo...

CENTRAL YLA

Search This Blog